Бұған дейін депутаттар «Жол жүрісі туралы» заңнан электросамокатпен адамдарға қауіп төндірмей, сағатына 6 км-ден аспайтын жылдамдықпен тротуар немесе жаяу жүргіншілер жолағымен жүруге рұқсат беретін тармақты алып тастауды ұсынған. 6 мамырда мәжіліс бірнеше құжатқа өзгеріс енгізетін жобаны бірінші оқылымда мақұлдады, бірақ самокатқа қатысты шектеу өзгерген жоқ.
Мәжілістегі жұмыс тобының мүшесі Екатерина Смышляева Kolesa.kz редакциясына хабарлағандай, жолдағы жағдайды нашарлатып жібермеу үшін электросамокатпен тротуарда жүруге тыйым салмау туралы шешім қабылданды. Жол ережесін білмейтін мыңдаған адам жолға шығып кетсе, көлік астына түсуі мүмкін.
Депутаттың айтуынша әзірге елдегі электросамокатты пайдалану тәртібі президент 2025 жылдың желтоқсанында бекіткен және 2026 жылдың шілдесінен бастап күшіне енетін нормамен реттеледі.
Кикшеринг компаниялары:
- Самокаттардың техникалық жағдайын қадағалауға.
- Пайдаланушыларды тексеруге: кім тізгіндейтінін және жарамды жүргізуші куәлігі бар-жоғын анықтайды. 18 жасқа толмаған және жүргізуші куәлігі жоқ адамға самокатты жалға бермейді; самокат пайдалану ережесін бұзған жағдайда айыппұл мен салдары туралы хабардар етеді.
- Самокаттың жылдамдығы мен орналасқан жерін анықтайтын технология арқылы сапарды бақылауға.
- Заңда көрсетілген аймақтарда самокат жылдамдығын автоматты түрде төмендетуге.
- Жаяу жүргіншіге немесе автомобильге кедергі болатын жерге самокат қалдыруға жол бермеуге.
- Әр самокатқа міндетті сақтандыру полисін рәсімдеуге.
- Уәкілетті органдардың ережесіне сәйкес самокаттарды есепке алып, нөмір тағуға.
- Тәртіп пен қауіпсіздікті сақтау үшін самокаттардың орналасқан жері туралы деректі мемлекеттік органдарға беруге міндетті.
Жаңа өзгеріс қаншалықты тиімді болатынын уақыт көрсетеді. Болашақта депутаттар самокатқа қатысты бұдан да қатаң талаптар әзірлеп, қабылдауы мүмкін. Самокат жүргізгісі келетін азаматтар нені білгені жөн, бұл туралы Kolesa.kz редакциясы арнайы мақала жазған.
Комментариев: 0