АҚШ-та CDL лицензиясы (автопойыз, автобус және ірі арнайы техника жүргізу құқығы) бар шетелдік жүргізушілер үшін ағылшын тілін базалық деңгейде білу талабы 2001 жылдан бері бар. Бірақ алыс сапарға шығатын жүргізуші тапшы болғандықтан, 2016 жылы Обама әкімшілігі тіл білу талабын жеңілдеткен.
Ақ үйдің қазіргі басшысы ағылшын тіліне қатысты бұрынғы нормативті қалпына келтіріп қана қоймай, оны күшейтуді шешті. Енді шетелдік жүргізушілер емтихан тапсырады, ал сынақтан өте алмаған адам рөлге отыра алмайды деп жазды Carscoops.
«Кәсіби жүргізуші жол белгісін оқып, түсіне алуы керек, сондай-ақ жол қауіпсіздігі қызметкерлері, шекарашылар, ауылшаруашылық өнімін бақылау-өткізу бекеті және жүк салмағын шектеу бекеті қызметкерлерімен сөйлесе алуы қажет. Жүргізуші жұмыс беруші және клиентпен кері байланысқа шығып, ағылшын тілінде тиісті нұсқау алуға дайын болуы керек» деп жазылған бұйрықта.
Жаңа ережеге тасымалдау операторы немесе қозғалыс қауіпсіздігіне жауапты орган сияқты компаниялар емес, елдің саяси басшылары бастамашы болып отыр.
Комментариев: 0