30 желтоқсанда президент «Қазақстан Республикасының кейбір заңнамалық актісіне өзгеріс енгізу және оны толықтыру туралы» заңға қол қойды.
Міндетті сақтандыру туралы заңның
«Жол қозғалысы туралы» заңға бірқатар түзету енеді. Ішкі істер министрлігі электросамокат жалға беретін заңды тұлға мен жеке кәсіпкердің техникасына тіркеу нөмірін береді, сонымен қатар оның пішіні мен үлгісін әзірлейді және оларды есепке алу тәртібін әзірлеп, бекітеді. Жалға берілетін электросамокаттар жол қозғалысына сақтандыру полисі мен тіркеу нөмірі болған жағдайда ғана қатыса алады.
Кикшеринг компаниялары міндетті:
- самокаттардың техникалық жағдайын қадағалауға;
- пайдаланушыларды тексеруге: кім тізгіндейтінін және жарамды жүргізуші куәлігі бар-жоғын анықтайды. 18 жасқа толмаған және жүргізуші куәлігі жоқ адамға самокатты жалға бермейді;
- самокат пайдалану ережесін бұзған жағдайда айыппұл мен салдары туралы хабардар етуге;
- самокаттың жылдамдығы мен орналасқан жерін анықтайтын технология арқылы сапарды бақылауға;
- заңда көрсетілген аймақтарда самокат жылдамдығын автоматты түрде төмендетуге;
- жаяу жүргіншіге немесе автомобильге кедергі болатын жерге самокат қалдыруға жол бермеуге;
- әр самокатқа міндетті сақтандыру полисін рәсімдеуге;
- уәкілетті органдардың ережесіне сәйкес самокаттарды есепке алып, нөмір беруге;
- тәртіп пен қауіпсіздікті сақтау үшін самокаттардың орналасқан жері туралы деректі мемлекеттік органдарға беруге.
Әкімшілік кодекске
619-2-бап қосылды, онда электрлі самокатты басқаруға құқығы жоқ немесе көлік құралын басқару құқығынан айырылған тұлғаға техниканы берген компаниялар жауапқа тартылатыны жазылған. Айыппұл — 25 АЕК (2026 жылы 108 125 теңге) немесе жол апатына себеп болып, адам зардап шексе немесе шығын келтірсе (көлік құралына, жүкке, жол немесе басқа құрылысқа не мүлікке) 40 АЕК (173 000 теңге) айыппұл төлейді.
Бұл нормалар ресми жарияланған соң алты айдан кейін күшіне енеді, яғни 2026 жылдың жазынан бастап қолданылады.
Комментариев: 0