Жаңа Toyota Hilux-тың бағасы белгілі болды

Былтыр қарашада алғаш ел алдына шыққан тоғызыншы Toyota Hilux біздің елге келді. Мұнда тек 166 ат күші мен 245 Нм момент беретін 2.7 литрлік бензинді моторлы пикап саудаланады. Агрегат 5 сатылы механикамен және қосылатын толық жетек жүйесімен жұмыс істейді.

1 / 5

• 
• 
• 
• 
• 

1 / 5

Жабдықтар тізіміне жеті қауіпсіздік жастығы, круиз-бақылау, кондиционер, алдыңғы орындықтар мен артқы әйнекті жылытқыштан тұратын базалық көмекшілер жинағы, 7 дюймдік дисплейі бар аспаптар панелі, Apple CarPlay, Android Auto-ға қосылатын медиакешен экраны (9 дюйм) және төрт динамикті аудиожүйе кіреді. Көліктің салоны матамен қапталған, кресло мен рөл колонкасын қолмен реттейсіз.

Мұндай Hilux-тың бағасы — 27 890 000 теңге.

1 / 5

• 
• 
• 
• 
• 

1 / 5

Пикаптың өлшемі алдыңғы буынмен шамалас, екеуінің дөңгелек базасы да бірдей. Бірақ сәл қырлы, шамдары жіңішке, ішінде марканың қазіргі ірі модельдеріне тән элементтер кездеседі. Бренд әлемнің әр түкпірінде автомобильдің 2.8 литрлік дизельді агрегат алған және толығымен электрлі түрленімдерін де сатады.