Электрлі Geely Galaxy EX2 Қазақстанға келді

Былтыр жыл аяғында Geely бестселлері Xingyuan электромобилі (экспортқа EX2 деген атпен шығады) Қазақстанға келетіні белгілі болған. Модельдің құжаты жергілікті реестрде пайда болған. Онда хетчті Қостанайдағы Allur зауыты құрастыратыны жазылған.

Біздің елде EX2-ні Geely Galaxy автосалондары сатады, саудасы көктемнің екінші жартысында басталды. Ұзындығы 4.1 метр, дөңгелек базасы 2.65 метр электромобильді бренд екі комплектацияда (Comfort және Techno) ұсынады. Олардың күштік құрылымы бірдей. Машина артқы осьте орналасқан 115 ат күшіне ие электромотормен жүреді, LFP-батареяның сыйымдылығы — 39.4 кВт/сағ, жүріс қоры — 325 шақырым.

1 / 8

• 
• 
• 
• 
• 
• 
• 
• 

1 / 8

Comfort 8.5 млн теңге тұрады. Мұндай машина төрт қауіпсіздік жастығы, базалық көмекшілер кешені, шина қысымын бақылайтын сезгек, артқы парктроник, артқы көрініс камерасы, кілтсіз ашу, алдыңғы креслоны жылыту жүйелері, 8.8 дюймдік цифрлық аспаптар панелі, 14.6 дюймдік медиакешен экраны және төрт динамикті аудиожүйемен жабдықталған. Салон экобылғарымен қапталған, орындықтарды қолмен реттеу қажет.

1 / 7

• 
• 
• 
• 
• 
• 
• 

1 / 7

Қымбатырақ Techno түрленімі 16 дюймдік дөңгелек дискісін, қауіпсіздік пердесін, круиз-бақылау, айнала шолу камерасын және тағы бірнеше функцияны қамтитын үздік көмекшілер кешенімен ерекшеленеді. Сондай-ақ автомобильде атмосфералы жарық, алты динамикті аудиожүйе, рөлді жылыту және сымсыз қуаттау жүйесі бар. Жүргізуші креслосы электр көмегімен реттеледі. Мұндай EX2-ні 9.4 млн теңгеге аласыз.

Қазақстандағы автосалондар сатып жатқан модельдердің фотосуретін Kolesa.kz-тегі «Жаңа көліктер» бөлімінен көруге болады. Сайтта барлық модельдің техникалық сипаттамасы, комплектациясы және бағасы толық жазылған.