Сәуірде 5.3 мыңнан аса Chevrolet Cobalt өтті

Бірнеше ай нашар нәтиже көрсеткен ресми автонарық қайта жанданды. 2026 жылғы сәуірде коммерциялық техниканы қоса есептегенде 20 857 автомобиль сатылды. Бұл былтыр сәуірдегі көрсеткіштен 8.4 % көп. Бірақ Қазақстан автомобиль одағының (ҚАО) дерегіне сүйенсек, алғашқы төрт айдың қорытындысы бойынша 2025 жылғы көрсеткіш жоғары (былтыр — 66 101, биыл — 65 610 автомобиль).

ҚАО президенті Анар Мақашеваның айтуынша нарықта бәсекелестік күшейіп келеді, клиенттер дәстүрлі модель ғана емес, күштік құрылымы өзгеше машина да ала бастаған. Нарықта мұндай көліктердің саны артып келеді.

Маркалар рейтингінде Chevrolet көш бастады. Компания 5500 автомобиль сатқан, 96.7 %-ы — Cobalt. 6.3 млн теңге тұратын седанның 5319 данасы иесін тапты.

2026 жылғы сәуірдегі сауда нәтижесі бойынша үздік 10 марка

Сәуірде Hyundai екінші орынға жайғасты. Былтыр сәуірімен салыстырғанда брендтің саудасы 39.3 % төмендеп, 2656-ға кеміген. 1912 автомобиль саудалаған Kia үшінші қатарда тұр, бұл былтырғы көрсеткіштен 13.4 % нашар. Үздік бестікте Changan (1882; +172.4 %) мен Haval (1379; +31.7 %) бар.

Сәуірде топ-10 тізімге Geely-дің екі бренді кірді. Олар — Geely-дің өзі (548) мен NEV модельдерін ұсынатын Geely Galaxy суббренді (424).

Танымал модельдер арасында Chevrolet Cobalt алда келе жатқанын жоғарыда жаздық. Оның саудасы (5319 жана) ондықтағы өзге модельдерді қоса есептегендегі көрсеткішпен (5708) шамалас. Hyundai Tucson (853 дана) әдеттегідей екінші сатыға орналасты, үштікті Kia Sportage (726) емес, Hyundai Mufasa (794) түйіндеді.

1 / 10

• 
• 
• 
• 
• 
• 
• 
• 
• 
• 

1 / 10

Қазақстандағы автосалондар сатып жатқан машиналардың фотосуретін Kolesa.kz-тегі «Жаңа көліктер» бөлімінен көруге болады. Сайтта барлық модельдің техникалық сипаттамасы, комплектациясы және бағасы толық жазылған.

Өткен айда Changan CS35 Max-тың саудасы қызды. Наурызда кроссовердің 513-і өтіп, сегізінші қатарға тұрақтаса, сәуірде үздік бестікке (712) енді.

Алғашқы төрт айдың қорытындысы бойынша Қазақстан автонарығының көшбасшысы ауысты. Cobalt-тың керемет саудасының арқасында Chevrolet жеңімпаз атанды (12 130 дана). Ал Hyundai (11 314) кейінгі сатыға ығысты. Үшінші орында Kia (9405) тұр.

2026 жылдың алғашқы төрт айындағы сауда нәтижесі бойынша үздік 10 марка