20 қазанда Е. Досаев BRT жолағы бар көшелерде, әсіресе Тимирязевте жағдай мәз емес екенін мойындап, қоғамдық көлік жүретін жолды оң жақ шетке ауыстыру жоспарланып отырғанын айтты.
Әкімнің бұл мәлімдемесі қала көлік жүргізушілеріне емес, жаяу жүргіншілер мен автобус, троллейбус жолаушыларына арналған деп санайтын урбанистерге ұнамай қалды. (Олар BRT маңындағы көшелерде тұратын тұрғындардың бітпейтін кептелістен зардап шегіп отырғанын ескермейді.) BRT жобасын жақтайтын тұрғындардың ойынша жолақты оң жаққа көшірсе, қоғамдық көлік жылдамдығы бәсеңдеп, жобаның еш мәні қалмайды.
Ал бүгін Алмалы ауданы тұрғындарымен кездескенде әкім BRT жолағы мінсіз емес екенін айтты. Ол өзі осы жолмен жүріп көріп, кемшілік барына көз жеткізіпті. Жүрдек автобус жолағы жаңарады, бірақ нақты не өзгеретіні әлі шешілген жоқ. Қала билігі BRT жолағын алып тастамайды. Адамдар аялдамада көп күтіп тұрмау үшін автобус санын көбейтеді. Ал келер жылы арнайы жолды жаңарту жобасы қолға алынуы мүмкін.
Алматыдағы BRT желісі стандартқа сай келмейді. Негізі бір бағытта жолағы үштен аз көшеге арнайы жолақ сызуға тыйым салынады.
Комментариев: 0