«Алматы» телеарнасындағы брифинг кезінде қала тұрғындарының бірі Шевченко көшесінде самокат пен велосипед тізгіндегендер жиі ереже бұзатынын айтып, шағымданды. Бұған Бақытжан Сағынтаев олардың да жол қозғалысына қатысатынын, сондықтан жол ережесін сақтауы керектігін айтты.
«Мен полиция департаментінің басшысына тапсырма беремін. Алдымен бақылайық, полиция қызметкерін қояйық. Егер нәтиже болмаса «Сергек» камерасын орнатып, ереже бұзғандарды жауапқа тартамыз», — деді қала басшысы.
Электросамокат мопедке теңестірілген және оны тек 16 жастан асқандар жүргізе алады. Велосипед пен мопед тізгіндеген азаматтар жол ережесін бұзса Әкімшілік кодекстің 615-бабы, 1-бөлігі бойынша 2 АЕК мөлшерінде айыппұл төлеуге міндеттеледі. Ал егер олар ережені елемей, адам денсаулығына зиян келтірсе, 10 АЕК айыппұл төлейді.
Комментариев: 0