Еске салайық, 1 наурызда Саялы шағынауданындағы көлікті қайта тіркеу бойынша қызмет көрсететін № 1 мамандандырылған ХҚКО «Автодом» сауда орталығына көшті. «Азаматтарға арналған үкімет» бөлімшесінің жаңа орны тұрғындардың көбіне ұнамаған еді. Себебі мекеме көп халықты қабылдауға қауқарсыз болды.
Әкімдіктің баспасөз қызметі хабарлағандай, Akimat Live бағдарламасының тікелей эфирінде Бақытжан Сағынтаевқа тұрғындардың бірі осы мәселені жеткізген соң әкім сауда орталығындағы ХҚКО-ға барып, Сәтбаев көшесіндегі ұзын-сонар кептелісті өз көзімен көрді.
«Соған байланысты автокөлік тіркеу қызметін келушілерге орын жеткілікті болатын Алатау ауданындағы орталыққа қайта көшіруді тапсырдым», — деп қала басшысы Facebook парақшасында жазды.
Көлікті қайта тіркеу бөлімінің нақты қашан орын ауыстыратыны айтылмады, бірақ бұл іс 1 маусымда жүзеге асуы мүмкін.
Комментариев: 0