Естеріңізге сала кетейік, осы жылдың қаңтарында оңтүстік астананы дамыту бойынша өткен жиналыста ҚР президенті Қасым-Жомарт Тоқаев: «Жүргізушілерге тағайындалатын жазаны қатаңдатумен қатар, үкімет жолдар мен жаяу жүргіншілерге арналған өткелдердің сапасына да назар аударуы керек. Көп қаржы жұмсауды қажет ететін түсініксіз жобалардың орнына өткелдер, көпірлер, ыңғайлы транспорттық желілер мен басқа да инфрақұрылым құрылысына мән берген жөн. Бұл республикаға да, Алматыға да қатысты» — деген болатын.
Мегаполистегі бұрынғы әкім Б.Байбектен қалған екіұшты дүниелердің бірі 2017 жылдан бастап Орбита көшелерін, 2018 жылдан бастап Тимирязев көшесін кептелістен көз аштырмай келе жатқан BRT желісі (қоғамдық көлікке арналған қозғалыс жолағы). Автобустар мен троллейбустар арнайы жолақпен анағұрлым жылдам қозғалады, бірақ басқа көліктер, әсіресе, қарбалас сәттерде өз жолағымен жорғалауға мәжбүр. Солтүстіктен оңтүстікке бағыт алған жүргізушілерге де оңай емес. Тимирязев көшесінен солға бұрылуға тыйым салынған, ал оны кесіп өтуге мүмкіндік беретін қиылыстар тым аз. Нәтижесінде қаланың жоғарғы бөлігінде тұратын жүргізушілер BRT арқылы өтуге үміттеніп кептелісте тұрады әрі бұл көліктер ауаны озонмен тазартпасы анық.
Мәселесі көп жолаққа қатысты мәселені шешуді Бостандық ауданының тұрғындары есеп беру жиналысында қазіргі басшы Бақытжан Сағынтаевтан сұрады. Бірақ қалалық әкімдіктің баспасөз қызметі хабарлағандай, әкім «BRT-ны қайта салу не алып тастау жоспарда жоқ екенін айтып, Тимирязев көшесіндегі BRT желісіне қатысты талқылауға нүкте қойды».
«Бізге Тимирязев көшесіндегі BRT желісі жөнінде көп айтылады. Сіздер қанша айтсаңыздар да, Тимирязев көшесін қайта өзгертпейміз. Шешім қабылданды, BRT салынды және ол қалады. Біз жуырда LRT (жеңіл рельсті көлік) құрылысына қатысты мәселені қарастырамыз, қазір үкіметпен келісімге келудеміз. Оны салу көп қаражат қажет етеді, бізге бөлінген бюджет оған жетпейді. Ескі жобалар мен BRT-ның Тимирязевтен әрі қарай жалғасуы жөнінде де баяндаймын. Қарастырамыз, егер қандай да бір шешімге келсек, оны қала тұрғындарының талқысына саламыз. Бұл жөнінде сіздер білетін боласыздар», — деді мегаполис басшысы.
Әкім Тимирязевтен «Атакент» көрме орталығының аумағына кіретін жол ашудан да бас тартып, «Атакенттің» сауда жасауға арналмағанын және ол жер қала тұрғындарының демалатын орын екенін айтты.
Қазіргі уақытта қоғамдық талқылауда оңтүстік астананың алдағы отыз жылда даму стратегиясы жатыр. Құжатқа сәйкес, 2050 жылға қарай Алматы LRT және BRT желілерімен толық қамтылуы мүмкін, одан бөлек қаладан Қаскелең, Жетіген және Түргенге қатынайтын автобустар пайда болады.
Комментариев: 0