3 қарашаға қараған түні Škoda бренді Superb моделінің төртінші буынын таныстырды. Экстерьерін алдыңғы «Супербтың» жақсарған түрі деуге болады.
Superb өлшемі сәл өзгерді. Дөңгелек базасы 2841 миллиметр лифтбектің ұзындығы 43 мм, биіктігі 12 мм артып, 15 мм-ге жіңішкере түсті. Ал универсалда екі бампер арасындағы қашықтық 40 мм ұлғайды. Компания инженерлері аэродинимиканы жақсартып, алдыңғы қарсыласу коэффицентін 10 және 15 процентке төмендетті. 36 жеке жарығы бар матрицалық оптиканы да айта кеткен жөн.
Салонда өзгеріс анағұрлым көп сияқты. Ол екінші буындағы Kodiaq стилінде жасалған. Ортаңғы 10 және 13 дюймдік дисплей, екі шабақты рөл, рөлге ауысқан автоматты беріліс қорабының селекторы және ішінде 1.25 дюймдік экраны бар үш шайба бар. Соңғысы температураны реттеуге, жылыту қарқыны мен желдетуге жауап береді. Ортада тұрған шайба аудиожүйенің дыбысын бақылау, желдеткіштің жұмыс деңгейін немесе ауа бағытын реттеу қызметін атқарады.
Сонымен бірге машинада 10 дюймдік цифрлы панельді толықтырып тұрған проекциялық дисплей, сымсыз қуаттағыш және жүргізуші ассистентінің толық жинағы сияқты жаңа опциялар бар. Артқы есіктегі қолшатыр және бензин багы люгінің астында жасырылған қырғыш түріндегі брендке тән элементтер де өз орнында. Škoda универсалдың жүксалғыш бөліміндегі мотормен басқарылатын пердеше, бейнебақылау камерасына арналған
Өлшемі ұлғайып, жаңа бөлшектердің арқасында салон кеңейе түсті. Бұл жүксалғыштан да байқалады. Лифтбекте көлемі 645 литр (+20 литр), ал универсалда 30 литр артып, 690 литрге жетті.
Төртінші буынның мотор гаммасы кең. Бензинді моторлар 150 ат күшін беретін гибридпен жұптасқан алдыңғы жетекті 1.5 литрлік турбомотормен және 2 литрлік турботөрттікпен (204 а.к. немесе 265 а.к.) ұсынылған. Автомобильдің әлдеқайда қуатты түрленімі толық жетек жүйесімен жүреді. Дизельді нұсқада 150 не 193 ат күшін беретін 2 литрлік агрегат орналасады. Қандай күштік құрылымды таңдасаңыз да, айналу моменті дөңгелектерге 7 сатылы DSG роботы арқылы беріледі.
Алдыңғы жетекті гибрид бөлек тұрады. Бұл модификация универсалда ғана болады. 1.5 литрлік бензинді турбомотор шағын электрлі қозғалтқышпен жұптасқан. 6 сатылы DSG мен батареялы блок (25.7 кВт·сағат) бар. Жалпы қуаты — 204 а.к. Электр күшімен 100 шақырым жүреді.
Компания жаңа көлікті Чехияда емес, жаңа Passat универсалымен бірге Словакиядағы зауытта жасайды. Сол жақтан машина бөлшектері Қазақстанға да келеді. Биыл қазанда елімізге чех маркасы қайта оралатаны белгілі болған. Автомобильді Қостанайдағы зауыт құрастырады, жоспар бойынша алғашқы автосалондар 2024 жылы ашылады.
Комментариев: 0