Қарашада дилерлер жеті мыңнан аса Chevrolet Cobalt сатты

Биыл қарашада Қазақстандағы ресми дилерлік орталықтар жеңіл коммерциялық техниканы қоса алғанда 25 804 автомобиль саудалады. Қазақстан автомобиль одағы (ҚАО) хабарлағандай, бұл көрсеткіш 2024 жылғы осы кезеңмен салыстырғанда 22.7 % жоғары. Өткен айда Қазақстан авторитейл тарихындағы рекордтық нәтиже тіркелді.

11 айда жалпы 207 616 машина иесін тапқан. Бұл 2024 жылғы қаңтар мен қараша арасындағыдан 15.6 % артық. Биылғы көрсеткіш былтыр бір жылда өткен көлік санынан да көп — 2024 жылы 12 айда 205 111 техника өтті. Әдетте желтоқсанда сауда қыза түсетінін ескерсек, нәтиже әлдеқайда жақсы болуы мүмкін.

ҚАО президенті Анар Макашева мұндай жақсы нәтижеге қаржылық құралдар желісінің кеңеюі және автодилерлердің арнайы ұсынысы мен акциялары оң әсер етті деп санайды.

2025 жылғы қарашадағы сауда нәтижесі бойынша үздік 10 марка

Әсіресе, Chevrolet саудасына акция қатты әсер етті. Бренд дилерлері бір айда 7777 көлік саудалады, бұл былтыр қарашадағыдан 76 % көп. Компания клиенттері көбіне Cobalt седанын таңдаған (7105 дана). Өйткені оның бағасы 6.2 млн теңгеге дейін түсті.

Қарашадағы рейтингте екінші орын Hyundai-ге бұйырды, марканың 5261 машинасы өтті (+37.9 %). Үшінші жүлдені әдеттегідей Kia (1990 дана, +23.1 %) еншіледі. Үздік бестікке Jetour (1326 дана) мен Toyota (1252) кірді.

Танымал модельдер тізімінде Chevrolet Cobalt (7105 дана) жеке көш бастап тұр. Кобальттың көрсеткіші топ-10 тізімге енген өзге модельдердің жалпы санымен (7860) шамалас. Екінші орынға Hyundai Tucson (1945), үшінші сатыға Kia Sportage (1320) жайғасты.

1 / 10

• 
• 
• 
• 
• 
• 
• 
• 
• 
• 

1 / 10

Hyundai 11 айдың қорытындысы бойынша елдегі ең танымал бренд атанды. Марка өкілдері 45 220 модельдің кілтін тапысрған. Chevrolet қарашадағы үздік көрсеткішінің арқасында көшбасшыға сәл жақындады (33 486 дана). Үздік үштікті Kia (21 481) түйіндеп тұр.

Jetour (13 012 дана) мен Chery (12 518) төртінші орынға таласып жатыр. Бірақ бірінші брендтің саудасы өсіп, екіншісінікі құлдырап барады. Қарашада Chery-дің жағдайы нашарлады (26 %).

2025 жылдың он бір айындағы үздік 10 марка