2025 желтоқсанда Қазақстандағы автосалондар коммерциялық техниканы қоса алғанда 27 464 автомобильдің кілтін тапсырды. Бұл былтырғы ең жақсы көрсеткіш әрі елдің авторитейл тарихындағы сөзсіз рекорд болды. Қарашада ғана жаңа рекорд тіркелген еді, желтоқсанда сол көрсеткіш жаңарып отыр.
Бір жылдағы жалпы сауда бойынша да рекорд жаңарды. Қазақстанның автокөлік одағы (ҚАО) хабарлағандай, дилерлер былтыр 234 582 автомобиль өткізген, бұл 2024 жылғы көрсеткіштен 14.4 % көп.
Елде Hyundai өнімдері көптеп өтті. Марка 50 868 машина саудалаған. Екінші жүлдені Chevrolet (38 880 дана) алса, үздік үштікті әдеттегідей Kia (23 402) түйіндеді. Төртінші орын үшін соңғы бірнеше айда Chery мен Jetour арасында қызу бәсеке жүрді. Нәтижесінде аз басымдықпен (63 машина) Chery жеңіске жетті: сәйкесінше 14 570 және 14 507 автомобиль. Осылайша, Chery Қазақстандағы ең танымал Қытай бренді атанды.
2025 жылғы сауда нәтижесі бойынша үздік 10 марка
| Орын | Марка | 12 айдағы сауда нәтижесі |
| 1 | Hyundai | 50 868 |
| 2 | Chevrolet | 38 880 |
| 3 | Kia | 23 402 |
| 4 | Chery | 14 570 |
| 5 | Jetour | 14 507 |
| 6 | Haval | 11 688 |
| 7 | Toyota | 11 338 |
| 8 | Changan | 11 260 |
| 9 | JAC | 10 330 |
| 10 | Geely | 9621 |
ҚАО дерегінше қазір Қазақстан нарығында жүк көлігі, коммерциялық және арнайы техниканы қоса алғанда
75-тен аса марка бар. Бірақ жалпы сауданың80 %-ы алғашқы ондықтың еншісінде.
2025 жылғы ең танымал 10 модельдің бәрі Қазақстанда жасалған. Нарықтағы нағыз көшбасшы — Chevrolet Cobalt. Марка дилерлері 31 802 седан сатты, оның бағасы 6.7 млн теңгеден басталады. Екінші орында — Hyundai Tucson (20 697 дана), үшінші қатарда Kia Sportage (10 988) тұр. Алғашқы үштікте кейінгі бірнеше жыл бойы еш өзгеріс болған жоқ.
Chevrolet Cobalt жақында Қазақстанда аздап жаңарады. Мұндай седан Өзбекстан нарығына әлдеқашан шыққан.
Төртінші орын Қазақстан жолдарына 2024 жылдың аяғында шыққан Hyundai
Комментариев: 0