Билік 2026 жылы 25 тамыздан бастап электросамокат мініп, тротуар және жаяу жүргіншілер жолымен жүруге тыйым салды. Ережені елемеген самокатшы айыппұл төлейді, егер жол апатына себеп болса, қоғамдық жұмысқа жегіледі немесе қамалады.
Ереже күшіне енген алғашқы күні кей самокатшы жағдай қаншалықты күрделі екенін әлі түсінбегені белгілі болды, олар әлі бұрынғыша жаяу жүргіншілер арасында жүр. Тәртіп сақшылары мұндай әрекет қатаң жазаға ұшырататынын айтып отыр.
«Басты міндетіміз — жаңа ереженің жұмыс істеуін қамтамасыз етіп, электросамокат қатысатын жол апатын азайту. Жаяу жүргінші тротуарда өзін қауіпсіз сезінуі қажет. Тәртіпті көшеде тұрған полиция қызметкері ғана бақыламайды. Бейнебақылау камерасы, пилотсыз дрон сияқты техникалық құралдарды пайдаланамыз. Ірі қалаларда электрсамокат мінген мобильді полиция топтары іске кірісті. Олар самокатшылар жүрген жерде жедел жұмыс істей алады», — дейді ҚР ІІМ Әкімшілік полиция комитеті төрағасының орынбасары Бағланбек Айтпаев.
Оның айтуынша кикшеринг компаниялар жаздың басында-ақ электросамокатқа нөмір тағып, кәмелетке толмағандардың техниканы жалға алу мүмкіндігін шектеуге тиіс болған, мұны істемеген компаниялар жазаланады.
25 тамыздан бастап тротуар, веложол және веложолақпен қозғалтқышы бар (бензинді және электрлі) велосипедтер де жүре алмайды. Мұндай техника енді мопед саналады, оған мемлекеттік нөмір алып, сақтандыру рәсімдеу керек, сондай-ақ кез келген санаттағы жүргізуші куәлігі қажет.
Комментариев: 0