Билік тротуармен жүрген самокатшыны қалай жазалайды

25 тамыздан бастап жеке және жалға алған самокатпен тротуар мен жаяу жүргіншілер жолында жүруге болмайды. Ереже сақталуын полиция мен Sergek камералары қадағалайды. Осы мақсатта кикшеринг компаниялары самокаттарға нөмір тақты. Жеке самокатқа қатысты жағдай қиын. Оларда нөмір жоқ, сондықтан әзірге тәртіп бұзғандарды тек полиция анықтай алады (болашақта бұл жұмысты жасанды интеллект атқаруы мүмкін). Электросамокатшыға қандай жаза бар?

Әкімшілік кодексте электросамокат жүргізушілері жол қозғалысының басқа қатысушыларымен теңесті. Әкімшілік кодекстің 615-бабында жол ережесін бұзғаны үшін олар 2 АЕК — 2026 жылы 8650 теңге айыппұл төлейді. Бір жыл ішінде қайталаса және алғашқы құқық бұзушылықтың өзі адам зардап шеккен жол апатына немесе материалдық шығынға әкелсе, 10 АЕК — 43 250 теңге айыппұл салынады. Жол-көлік оқиғасына қайта себеп болып, көлікке зақым келтірсе немесе адам жарақат алса, жаза 20 АЕК — 86 500 теңге болуы мүмкін не 12 сағат қоғамдық жұмысқа тартылады немесе 3 тәулікке қамалады.