Президент бірнеше заңға қол қойды. Құжатта «Жол жүрісі туралы» заңға да өзгеріс енеді деп жазылған.
Бұған дейін депутаттар тыйым салғысы келмеген. Олар жол ережесін білмейтін мыңдаған адамды жолға шығару қауіпті деді. Бірақ құжаттың соңғы нұсқасы өзгерді.
Жаңа заңға сәйкес қозғалтқышы бар велосипед (электрлі немесе бензинді екеніне қарамастан) енді мопед саналады. Сондықтан оны мокик, скутер және сипаттамасы ұқсас басқа механикалық көлік құралы сияқты міндетті түрде тіркеу қажет. Жүргізу үшін кемінде А1 категориясындағы куәлік керек. Онымен де тротуарда жүруге болмайды.
Гироскутер, сегвей, электрлі мотоскейтборд, монодөңгелек және соған ұқсас техника шағын электрлі көлік құралы қатарына кіреді. Оларды жаяу жүргінші жолында тізгіндеуге болады.
Өзгерістер ресми жарияланғаннан кейін 60 күн өткен соң, яғни 24 тамызда күшіне енеді.
Комментариев: 0