Әдетте жылдың алғашқы айларында ресми автонарық саудасы төмен болады, бірақ биыл жағдай сәл басқаша. Ақпанда 15 208 жеңіл автомобиль мен коммерциялық техника және 755 жүк көлігі мен автобус өтті.
Қазақстанның автокөлік одағы (ҚАО) өткен айдағы сауда қаңтардағы көрсеткіштен — 41.6 %, былтыр ақпандағы нәтижеден 29.9 % өскенін хабарлады. Биыл алғашқы екі айдағы нәтиже 2024 жылғы сәйкес кезеңмен салыстырғанда 15.7 % жоғары болған. Мұндай қарқынмен биыл рекорд жаңаруы мүмкін.
ҚАО президенті Анар Мақашева клиенттердің ресми дилерден көбірек машина алуына автосалондар ұсынып отырған тиімді қаржылық бағдарламалар әсер еткенін айтты. Спикер сұраныс арта түсетініне сенімді.
Hyundai ақпанда ең танымал бренд болды. Марка автосалондары 4043 автомобильдің кілтін тапсырды. Бұл 2024 жылғы ақпанмен салыстырғанда 44.8 % жоғары көрсеткіш. Екінші қатарда 2080 машинасы өткен Chevrolet тұр, марка саудасы 79.3 % өсті. Әдеттегідей Kia (1805) үздік үштікті түйіндеді. Ал
2025 жылғы ақпан қорытындысы бойынша жаңа автомобильдер нарығындағы үздік 10 марка
| Орын | Марка | 2025 жылғы ақпандағы сауда нәтижесі |
| 1 | Hyundai | 4043 |
| 2 | Chevrolet | 2080 |
| 3 | Kia | 1805 |
| 4 | Jetour | 1160 |
| 5 | Chery | 1038 |
| 6 | JAC | 760 |
| 7 | Geely | 757 |
| 8 | Haval | 714 |
| 9 | Toyota | 690 |
| 10 | Changan | 555 |
Танымал модельдер тізімінде Chevrolet Cobalt көш бастады. Седанның 1776 данасы иесін тауып, Hyundai
Екі айдың қорытындысы бойынша брендтер рейтингінде Hyundai (7246; +22.6 %) бірінші орында тұр. Екінші және үшінші сатыға Chevrolet (3271; +66.6 %) мен Kia (2785; —9.1 %) жайғасқан.
2025 жылғы екі ай қорытындысы бойынша жаңа автомобильдер нарығындағы үздік 10 марка
| Орын | Марка | 2025 жылдың екі айындағы сауда нәтижесі |
| 1 | Hyundai | 7246 |
| 2 | Chevrolet | 3271 |
| 3 | Kia | 2785 |
| 4 | Chery | 1747 |
| 5 | Jetour | 1741 |
| 6 | Geely | 1417 |
| 7 | JAC | 1349 |
| 8 | Haval | 1294 |
| 9 | Toyota | 1292 |
| 10 | Changan | 927 |
Комментариев: 0