Алматыда өзге өңірден келген полицейлер жүр: не болып жатыр?

Кейінгі күндері әлеуметтік желіде оңтүстік астанаға бет алған экипаж колонналары түскен видео тарай бастады.

View this post on Instagram

A post shared by Krispi_almaty_ (@krispi_almaty_)

Көп ұзамай желіде басқа аймақтардың мемлекеттік нөмірін таққан полиция машиналары Алматыда жүргені туралы роликтер көбейді.

View this post on Instagram

A post shared by Специально для крис п | @kris_p_almata (@kris_p_almata)

Мегаполиске Астана, Көкшетау, Тараз, Шымкент және Шығыс Қазақстан облысынан патрульдер келді деген ақпарат бар. Алматы полиция басқармасы бұл жағдайға қатысты әлі пікір білдірген жоқ. Елордалық тәртіп сақшылары Батыс Қазақстан облысында да көзге түскен.

View this post on Instagram

A post shared by kupol.press (@kupol.press)

БАҚ Ішкі істер министрлігінің мәлімдемесін жариялады.

«ІІМ тәртіп пен жол қауіпсіздігін қамтамасыз ету үшін жоспарлы іс-шараларды үнемі жүргізіп келеді. Мұндай тәжірибе жүйелі сипатқа ие, жедел әрі криминогендік ахуалды ескере отырып, елдің барлық өңірінде жүзеге асады. Қажет болған жағдайда кей өңірге практикалық көмек көрсету және профилактикалық жұмысты күшейту үшін қосымша бөлімшелер барады. Негізгі мақсат — заңсыз әрекеттердің алдын алу және жол қауіпсіздігін қадағалау. Барлық іс-шара қолданыстағы заңнамаға сай жүзеге асып жатыр», — деп хабарлады мекеме.

Министрліктің мұндай қадамға баруына не себеп болды? Алматыдағы Әл-Фараби даңғылында болған ірі жол апатынан кейін депутаттар ішкі істер органдарын тазартуды ұсынған, полицияның қазіргі қарбалас әрекеті осыған байланысты болуы мүмкін. 21 наурызға қараған түні Әл-Фараби мен Меңдіқұлов қиылысында Mercedes-Benz пен Zeekr 9X бетпе-бет соғылып, үш адам көз жұмған. Кейін бес полицей қызметінен кетіп, ІІМ тексеріс бастады.