Ішкі істер министрлігі баспасөз қызметі хабарлағандай, қызмет атқару ерекшелігі мен шарттарын ескере отырып, жаңа форма дизайны мен құрылымына қарай патрульдік полиция қызметкерлеріне, учаскелік полиция қызметкерлеріне, ІІО басқару аппараттарына және т. б. арналған киім болып бөлінеді.
Барлық қызмет санатына арналған форманың жазғы, маусымдық және қысқы жинағында жарық шағылысатын POLISIA жазуы бар. Киімдегі жиектің түсі қызылдан көкшілге ауыстырылды. Металл белгілер — жетондар, эмблемалар, жұлдыздар тоқыма бұйымдарымен алмастырылды. Жаңа формада жарық шағылыстырғыш элементтерге ерекше мән берілген.
Сондай-ақ полицейлердің аяқ киімі алғаш рет өзгертіліп отыр. Енді тәртіп сақшылары тактикалық кроссовка киеді.
Жаңа форма қолданыстағы бюджеттік бағдарлама аясында және ескі форманың тозуына байланысты кезең-кезеңімен енгізіледі.
Комментариев: 0