Полиция 2020 жылы болған жол апаттарын талдап, 64 % жағдайда адам өліміне жаяу жүргіншілерді қағу, автокөліктің аударылуы және екі машинаның бетпе-бет түйісуі себеп болады деген байлам жасады.
ҚР ІІМ Әкімшілік полиция комитеті төрағасының орынбасары Серік Түсіповтің сөзінше, жол апатының негізгі себептерінің бірі — жылдамдықты асыру. Елдегі әр бесінші апат соның кесірінен болады екен. Былтыр Қазақстанда сондай 2 783 жағдай тіркелді. Онда 397 адам қаза тауып, 3508 адам жарақат алған.
Түсіпов көшедегі қозғалысты бақылайтын 12 856 камера өткен жылы 2.6 млн жол ережесін бұзу сәтін тіркегенін атап өтті.
Жылдамдықты шамадан тыс асыру елдегі жол апатына себеп болатын жайттар тізімінде жыл сайын бірінші тұратынын айта кеткен жөн. Қазақстан жолдарында камера қаптап, айыппұл мөлшері өссе де, жүргізушілер тәртіпке бағынар емес.
Комментариев: 0