Бүгін мәжілісмен Мұрат Әбенов Алматыдағы үш адамның өліміне себеп болған ірі жол апаты жайлы айта отырып, елде мыңдаған жүргізуші нөмірсіз не жалған нөмірмен жүретінін атап өтті.
— Камераға қатты сеніп кеттік. Камера қарапайым халыққа қарсы жұмыс істейді, өйткені қарапайым тұрғын үшін айыппұл үлкен ақша, ал байларға ол еш әсер етпейді. Айына миллион теңге айыппұл төлейтіндерді көрдім… Бәрінің көлігі 100–200 мың доллар тұрады, олар өзара күліп, «менде проездной бар» деп айтатын көрінеді, яғни, айыппұлға айына 1–2 млн төлейді де, жүре береді, — деді депутат.
Оның сөзінше Қазақстан заңнамасында олқылық бар, өйткені біздің елде стритрейсинг заңға қайшы әрекет емес. Ал шетелде қала ішінде жарыс ұйымдастыру — қылмыс. Мұрат Әбенов қалада жарысып, жылдамдықты белгіленген шектен 60 км/сағ және одан көп асырғандарды мас болып көлік жүргізгендермен бірдей жазалауды ұсынды. Яғни 7 жылға куәлігінен айырып, 15 тәулікке, екінші рет қайталаса, өмір бойы көлік тізгіндеу құқығынан айырып, 50 тәулікке қамау қажет деп есептейді.
Депутат апат салдарынан адам қаза тапса, кінәлі тұлғаға жазаны қатаңдату қажет екенін атап өтті: бір кісі ажал құшса — кінәліні 7 жылдан 10 жылға,
Тағы бір мәжілісмен Бақытжан Базарбек ішкі істер органдарын “тазалау” қажет екенін айтты.
— Қазақстанда үлкен шенеуніктер мен ірі бизнес өкілдерінің балаларын қорғаштайтын полицей аз емес, ондайлар Алматыдан өзге өңірлерде де бар. Тексеріс Алматымен шектелмеуі керек. Ішкі істер органдарын «мажорларды» қорғайтындардан толық тазартуымыз қажет. Осы мәселені президентке жеткізуге дайынбыз, ішкі істер министріне қатаң талап қойып, жол қозғалысы жүйесіне тәртіп орнату керек. Жақында амнистия болатынын білеміз. Сол кезде осы оқиғалар міндетті түрде ескерілуге тиіс, — деді депутат.
Комментариев: 0