Жаңа Toyota Hilux-тың тұсаукесері желтоқсанда өтеді

Таиландтағы басылымдар хабарлағандай, Toyota тоғызыншы буындағы Hilux-ты биыл желтоқсанның басында Thailand Motor Expo көрмесінде жұрт назарына ұсынады. Жаңа өнімді Таиландтағы зауыт сынап көру үшін құрастырып жатқан көрінеді.

Модельдің патент суреті мен шпиондар түсірген фотосынан жаңа Hilux қандай болатыны байқалады. Машина қосарлы кабина, трапеция тәрізді дөңгелек аркасы, жіңішке шамы және дөңес радиатор торымен ерекшеленеді.

Дереккөз Toyota пикаптың қазіргі сатылы рамасын сақтап қалғанын хабарлады. Яғни марка Land Cruiser мен Tacoma-ның TNGA-F платформасын жаңа өнімге пайдаланбайды.

1 / 7

• 
• 
• 
• 
• 
• 
• 

Toyota Hilux-тың жеке дизайнерлер мен нейрожелі жасаған рендерлері

1 / 7

Hilux-тың күштік құрылымы 48 вольтты стартер-генератор мен бұрыннан белгілі 2.8 литрлік турбодизельден тұрады. Агрегат 200 ат күші береді. Жақында гаммаға толыққанды гибрид қосылады, GR Hilux түрленімі Tacoma-ның i-Force Max гибрид блогымен жұмыс істейтін 2.4 литрлік турбомотормен жүреді, оның қуаты 330 ат күші мен 630 Нм болады.

Ford Ranger және өзге де қытайлық бәсекелестеріне есе жібермеу үшін бренд көлікке рөлді электркүшейткіш, ADAS электрондық көмекшілер кешенін, Prado стиліндегі мультимедиа планшеті мен цифрлық аспаптар панелін орнатады.