Қытай билігі автоөдірушілерді тергеу процесін бастады

Қытайдың мемлекеттік корпорациясы China Media Group электромобильдегі «батареяны бұғаттау» деп аталатын кең таралған тәжірибе туралы есеп жариялады, онда автоөндірушілер клиенттің келісімін сұрамай, аккумуляторды басқару жүйесінің параметрін қашықтан өзгертеді деп жазылған.

Сарапшылардың пікірінше мұндай шара аккумулятордың қызмет мерзімін ұзарту үшін жасалады: қуаттау тогын шектеп, нақты сыйымдылықты азайту арқылы батареяның қызып кету қаупін азайтып, оның тозу процесін баяулатады. Салдарынан жүріс қоры қысқарып, қуаттау уақыты ұзарады.

Нақты қанша қысқарады? Телеарнаға жауап берген бір жүргізуші жаңартқанға дейін батареяның сыйымдылығы 100 кВт·сағ-тан 80 кВт·сағ-қа дейін кемігенін айтқан, соған қарамастан, батареяның күйін көрсететін индикатор бұрынғыдай 95 % көрсеткен. Ал жүріс қоры 450–480 шақырымнан 400 км-ге қысқарыпты. Кейбір клиент тіпті әу баста 500 км (CLTC стандарты бойынша) болған жүріс қоры жаңартудан кейін 300 км кемігенін айтқан.

Мемлекет бұл саланың техникалық мәселесіне бекер назар аударып отырған жоқ. Наурызда Қытайдың Өнеркәсіп министрлігі мен Нарықты реттеу басқармасы электромобильді сымсыз жаңарту (Over-the-Air немесе OTA) жүйесін басқару ережесін өзгертті. Жаңа ереже бағдарламалық жасақтаманы жаңарту арқылы батарея сыйымдылығын жасырын шектеуге тыйым салады. Көліктің параметрін өзгерту сияқты барлық жаңарту түрін көлік иесінің келісімін алмай жасауға рұқсат жоқ. OTA жүйесін техниканың сервиске баруын қажет ететін ақауды жою құралы ретінде пайдалануға да болмайды.

Есепте реттеуші органдар сегіз ірі автоконцернді «батареяны бұғаттау» мәселесіне байланысты шақырғаны және үш компанияға қатысты ресми тергеу басталғаны жазылған деп хабарлады CarNewsChina. Кейін Қытай автоөндірушілер ассоциациясы бұл ақпаратты жоққа шағарып, бұл «ресми дереккөзі жоқ», шындыққа сай келмейтінін әңгіме деді.