BYD концерніне кіретін Yangwang премиум бренді жаңа модификациядағы U8-дің алғашқы суреттерін жариялады. Автомобиль U8L деп аталады және оның басты ерекшелігі — өлшемі.
Yangwang U8L-дің жолаушы есігі мен артқы бөлігі ұзарғаны байқалады. Нақты өлшемдері әзірге белгісіз, бірақ Қытайдағы басылымдар U8L-дің ұзындығы кем дегенде 5.6 метр болады деп болжап отыр. Стандарт түрленімнің ұзындығы — 5.3 метр.
Өлшемі ұлғайғандықтан үш қатарлы салоны бар немесе екінші қатарға бөлек кресло орнатылған сәнді нұсқасы пайда болуы мүмкін.
Техникалық сипаттамасы туралы толық ақпарат Шанхай автосалонында белгілі болады. Дегенмен күштік құрылымы өзгеріссіз қалуы ықтимал. 2 литрлік бензинді қозғалтқыш пен төрт электромотор 1197 ат күшін (1280 Нм) береді. Қарапайым U8-дің жалпы жүріс қоры 1000 шақырымға жетеді, электр қуатымен 180 км еңсереді. Жаңа өнім God’s Eye жүргізуші ассистенттері кешенін алуы мүмкін.
Комментариев: 0