Mercedes-Benz С-Class жаңарды

Биыл сәуірде Mercedes-Benz атауында Electric қосымшасы бар батареялы C-Class-ты көрсеткен. Компания оның 2021 жылы жарық көрген W206 индексті нұсқасынан бас тартпайды, жаңарған түрленімін шығарады.

1 / 9

• 
• 
• 
• 
• 
• 
• 
• 
• 

1 / 9

Рестайлингтен өткен C-Class ірі радиатор торы мен жұлдызша мотивті шамы бар жаңа фирмалық стильдегі алдыңғы бөлігімен ерекшеленеді. Дәл осындай өрнек артқы шамда да тұр. Сондай-ақ модельге арналған дөңгелек дискісі топтамасы мен түс палитрасы көбейді.

1 / 6

• 
• 
• 
• 
• 
• 

1 / 6

Дизайнерлер салон архитектурасын өзгерткен жоқ. Тіпті 12.3 дюймдік аспаптар панелі мен 11.9 дюймдік медиакешен тачскринінен тұратын дисплейлер комбинациясы сол күйінде қалды. Есесіне олардың бағдарламалық жасақтамасы жаңарды. Енді ChatGPT негізіндегі виртуалды көмекшісі бар MB.OS операциялық жүйесінің ең жаңа нұсқасымен жұмыс істейді. Сонымен қатар 15 динамикті жақсарған Burmester 3D-Surround аудиожүйесімен жабдықталады. Электрондық көмекшілер кешені де жақсарды.

Әдеттегідей седанның да, универсалдың да күштік құрылым топтамасы толық электрленген. Қарапайым автомобиль іштен жанатын қозғалтқыш және 23 ат күші мен 205 Нм беретін жаңа 48 вольтты стартер-генератормен жүреді. Ал үздік түрленім толыққанды қосылатын гибрид болады.

Бензинді нұсқа 177–258 ат күшіне ие M254 Evo 2 литрлік турбомотор, дизельді көлік 163 немесе 200 ат күшін беретін 2 литрлік OM654 Evo алады.

1 / 7

• 
• 
• 
• 
• 
• 
• 

1 / 7

Флагман — C 400e 4Matic. Ол турбомотор және бір электромотормен жүреді. Жүйенің жалпы қуаты — 395 а.к. және 650 Нм. Машина 19.5 киловатт батареяның арқасында электр қуатымен 100 км жүре алады.

Бренд Еуропада жаңарған C-Class-қа тапсырыс қабылдап жатыр. Бағасы 48.8 мың еуродан (26 млн теңге) басталады. Ал АҚШ-қа 2027 жылдың бірінші жартысында жетеді.