Yangwang маркасы дүйім жұртқа өзінің U8 индексті ерекше жол талғамайтын көлігін концепт түрінде және серия алды прототип түрінде таныстырды. Гибрид дайын, қыркүйекте клиенттерге жол тартады. Қытай автосалондары тапсырыс қабылдауды бастап кетті. Модельдің үздік (қымбат) нұсқасы шамамен 2 млн юань (153 мың доллар) тұрады.
5.3 метрлік Yangwang U8-дің Вольфганг Эггер жасаған өзгеше дизайны ғана емес, конструкциясы да назар аудартады. Классикалық рамаға негізделген модель гибрид, бірақ бренд үнемдеуге емес, өнімділікке баса мән берген сияқты.
Автомобиль 1197 ат күшін (1280 Нм) беретін төрт электромотормен жүреді. Агрегат сыйымдылығы 49 кВт·сағ Blade сериялы литий-темір-фосфатты батареямен жұмыс істейді. Автомобиль 180 шақырым жолды еңсереді. Бірақ өндіруші капот астындағы 2 литрлік турбомотор мен 75 литрлік жанармай багының арқасында жүріс қоры 1000 шақырымнан асатынына сенімді.
Yangwang өкілдері кешеге дейін U8 интерьері туралы жақ ашпады. Жол талғамайтын көлік ішіндегі алдыңғы әйнек проекциясымен бірге жеті экран көзге түседі. Алдыңғы жолаушының енді жеке дисплейі болады, кресло артында және орындық арасындағы панельде қосымша тачскрин бар.
Аспаптар панелінде қымбат машиналарға тән электр жетек кеңінен қолданылған, креслоны желдету, артқы және алдыңғы орындағы жолаушыларға массаж жасау функциясы мен 22 динамигі бар заманауи аудиожүйе бар. Ал кіріккен спутниктік телефон ерекше опция болып тұр.
Әзірге Yangwang U8 Қытай нарығына арналған модель ретінде танымал. Машинаны шетелге шығара ма, жоқ па, белгісіз. Жеке тұлғалар Ресейге тапсырыспен автомобиль жеткізуге ұсыныс білдіріп жатыр.
Комментариев: 0