Бірінші буындағы BMW X5 V10 моторын алды

2000 жылы наурызда BMW ерекше кроссовермен автомобиль әлемін жалт қаратты. Ол BMW V12 LMR жарыс болидінен алған 700 ат күшіне ие 6.1 литрлік V12 моторымен жүретін E53 индексті жаңа X5 еді.

Атауына Le Mans қосымшасы бар мұндай X5-тің бір экземпляры ғана шықты әрі ол соған ұқсас жоба жасағысы келіп жүрген тюнерлер мен энтузиастарға қатты ұнаған. Араға 26 жыл салып, ерекше E53 Kith киім брендінің иесі Ронни Фигтің гаражынан орын тапты. Көпшілік көлікті Monterey Car Week іс-шарасы кезінде көреді.

1 / 6

• 
• 
• 
• 
• 
• 

1 / 6

Фигтің жобасы қуатты V12-мен жүрмейді, бірақ қазіргі күштік құрылымы да жаман емес. Мамандар машинаға BMW M5-тің (E60) 5 литрлік V10 моторын қойған. Тюнерлер қозғалтқыштың қуатын құпия ұстап отыр, ал зауыттық S85 507 ат күші мен 520 Нм береді. Агрегат 6 сатылы механика қорап және E53-тің штаттық толық жетек жүйесімен жұмыс істейді. Автомобиль қайта бапталған аспа және мықты тежеуіш механизмімен жабдықталған. X5-тің шанағын кәсіби реставраторлар әрледі.

Интерьер архитектурасы стандарт күйінде қалғанмен, ателье әрлеу материалын өзгертіп, Kith брендінің логотипін қосқан.

1 / 10

• 
• 
• 
• 
• 
• 
• 
• 
• 
• 

1 / 10

V10-мен жүретін күміс түстес E53 Kith пен BMW арасындағы серіктестіктің бір бөлігі саналады. Екінші жоба — бесінші буындағы жаңа X5-тің 40 xDrive түрленімі, ол да Ронни Фигтің көмегімен әрленді. Бұл автомобиль қуатты қозғалтқышымен емес, өзгерген салон, қосымша шильдик және басқа дөңгелек дискісімен ерекшеленеді.