Оңтүстік Кореяда Tesla-ның танымалдығы артып келеді

Қытай автоөнеркәсібі әлем автонарығын жаулап жатқан тұста Tesla-ның Оңтүстік Кореядағы жетістігі назардан тыс қалып отыр. Биыл көктемде Model Y автосалонда сатылатын ең танымал көлік атанды. Бұл таңғаларлық нәтиже, өйткені бұған дейінгі статистикаға сүйенсек кәрістер отандық өнімдерге басымдық берген.

Жалпы нарықтың шамамен 67 %-ын алып отырған Hyundai мен Kia модельдер рейтингінде көшбасшы орнын келесі айларда қайтарды. Дегенмен бірінші жартыжылдықтың қорытындысы бойынша Tesla маркалар рейтингіне нық орнығып, үшінші орынға көтерілді. Компания былтырмен салыстырғанда төрт саты жоғарылады. Брендтің бестселлері — Model Y (43 359) тек Kia Sorento-ға (55 426) жол беріп, екінші орынға жайғасты. Сарапшылардың айтуынша батареялы кроссовер 12 саты көтерілген, саудасы 181.2% артыпты.

Шілдеде Model Y қайта көш бастады. Tesla импорттық көліктер тізімінде алтыншы ай қатарынан бірінші орында тұр.

1 / 5

• 
• 
• 
• 
• 

1 / 5

Tesla Model Y-дың жетістігіне Giga Shanghai зауытынан арзан нұсқаның келуі және жаңа алты орынды Model Y L модификациясының жолға шығуы әсер етті. Қазір Оңтүстік Кореяда базалық Model Y Premium RWD 49.99 млн вон (16.3 млн теңге) тұрады. Ол негізгі бәсекелестері — Hyundai Ioniq 5 пен Kia EV6-ның кейбір комлектациясынан арзан.

Бастапқы баға Оңтүстік Кореядағы мемлекеттік субсидияға бейімделгені анық. Құны 53 млн воннан аспайтын электромобиль үшін мемлекет 6.8 млн вон (2.2 млн теңге) субсидия береді. Автомобиль бұдан қымбат болса, жеңілдік екі есе қысқарады.