Винтажды BAW 212 пикапқа айналады

Қытай нарығына арнап 212 жол талғамайтын көлігін шығарып жүрген BAW компаниясы осы платформаға негізделген Explorer 01 пикабын жасады. AutoHome жаңа өнім туралы алғашқы мәлімет елдің өнеркәсіп министрлігінің сертификат базасында пайда болды деп жазды. «Китайские автомобили» мұндай 212 екі нұсқада — әдеттегі пикап және жүк шассиі түрінде жарық көретінін хабарлады. Ол бұрын жол талғамайтын көлікте болмаған жаңа қозғалтқышпен жабдықталады.

1 / 5

• 
• 
• 
• 
• 

1 / 5

Қос кабиналы пикап жол талғамайтын көліктен шанақ типімен ғана емес, сырт пішінімен де ерекшеленеді. Марка жаңа модельге арнайы жаңа радиатор торы мен бампер дайындаған, машинаның алдыңғы бөлігі хром элементтер мен диодты тұманға қарсы шамның арқасында агрессивті көрінеді. Артқы бамперде баспалдақ бар. Explorer 01-дің жүк платформасы жоқ нұсқасы да тік пішінді шырағын сақтап қалды.

Автомобильдің өлшемі — 5469×1955×1970 мм, дөңгелек базасы — 3488 мм, жүк бөлігінің өлшемі — 1555×1520×490 мм. Қосымша жабдықтар тізімінде үш түрлі дөңгелек дискісі, шанақтың қорғаныс доғасы және сүйрегіш ілмектер бар.

BAW 212 Explorer 01 Dongfeng-ге тиесілі 190 ат күшіне ие 2.3 литрлік мотормен жүреді. Пикаптың ең жоғары жылдамдығы — 160 км/сағ, орташа отын шығыны — 100 шақырымға 9.1 литр. Ал жол талғамайтын көлік 2 литрлік бензинді (252 а.к.) және дизельді (170 а.к.) агрегатпен жүретін.

Explorer 01 қашан саудаға шығатыны белгісіз. Бірақ алда 212 топтамасына үш есікті шанағы бар жол талғамайтын көлік қосылады.