Қыркүйекте Ресейде Lada Vesta жолдан шығып кетіп, жүргізуші ауыр жарақат алды. Соңы үлкен дауға ұласқан апатқа машина жүріп бара жатқанда рөлінің бұғатталып қалғаны ықпал еткен.
Тәуелсіз сарапшылар оқыс жағдай болуы мүмкін екенін айтса да, көпшілік оған әлі сене алмай жүр. Борт желісіндегі кернеу түсіп кетсе, машина жүріп бара жатқанда рөл істен шығуы ықтимал. Өйткені басқару блогы мұндайда мотор өшті деп бағамдап, не күшейткішті өшіреді, не рөлді бұғаттайды. Мұны видеодан анық көресіз. Оның үстіне, автомобиль жадында қате туралы ақпарат сақталмайды.
АВТОВАЗ Владимир облысындағы жол апатына рөлдің бұғатталуы себеп болғанын мойындамай отыр, себебі «көлік иесі диалогты жалғастырудан және компания техниктеріне көлікті тексертуден бас тартқан» деп жазды ТАСС. Бірақ зауыт мұндай проблема бар екенін бұрыннан біледі. Тамызда Lada Vesta NG моделін сервиске шақырып, рөлді бұғаттау модулінің бағдарламалық жасақтамасын жаңартқан.
Lada Vesta иелері қауымдастығы бұл мәселені шешетін қарапайым әрі радикал шешім, яғни, рөл бұғаттауышты алып тастауды ұсынып отыр. Лада.Онлайн басылымы мұны қалай істеу керек екенін көрсететін нұсқаулық жариялады.
Бұл жағдай маркаға қатысты мына бір ащы ақиқатты тағы еске түсірді: Lada сатып алған адам өндірушінің қатесін өз қолымен түзеуге дайын болғаны жөн.
Комментариев: 0