АВТОВАЗ Lada Largus универсалының белгілі бір партиясын сатуды уақытша тоқтатты. Өйткені машинадағы бір клапанның жұмысын тексеру қажет болған. Алайда қай клапан екені аталмады. Бірақ бұған дейін ресейлік басылымдар жаңа Largus иелерінен күн суыған соң машинаның рөлмен басқару жүйесінде ақау пайда болғаны жөнінде шағым түсті деп жазды.
Кемшілік туралы алғашқы ақпарат қазанның басында тарады. Жүргізушілер негізінен рөл «қатып қалатынын» айтып, арызданыпты. Мұндай жағдай көбіне көлік толық қызбаған кезде кездеседі. Сол уақытта АВТОВАЗ мұны жекелеген жағдай деп түсіндірсе, дилерлер мәселені шешу үшін гидрокүшейткіштің сұйықтығын ауыстыруға кеңес берді.
Арада екі апта өткен соң дилерлік орталықпен байланысы бар инсайдерлер «Лада.Онлайн» басылымына зауыт 5 мың экземпляр Largus-ты сөреден алып тастағанын хабарлаған. Компания ақаудың себебін анықтап, мәселені шешу жолын қарастырып жатыр екен.
Кейін АВТОВАЗ басқа жеткізушіден алған бір клапанының (рөлді гидрокүшейткіш клапаны шығар) жұмысын тексеру үшін сауда тоқтағанын ресми растады. Бірақ машина саны белгісіз.
Өндіруші тез арада дилерлерге клапанды жөндеу нұсқаулығын жіберуге уәде беріп отыр.
Комментариев: 0