Қыркүйектің екінші жартысында Ресейде Lada Vesta апатқа түсті. Автомобиль жолдан шығып кетіп, аударылып қалған, ал рөлде отырған қыз ауыр жараланып, емханаға түсті. Бұл әдеттегі апат емес. Жергілікті БАҚ хабарлағандай, жол апатына рөл механизмінің бұғатталуы себеп болған.
Бұл модельдің жаңарған нұсқаларының бәрінде бар ақау. Ол тіпті сервистік кампания жариялауға себеп болған. Бірақ марка барлық машинаны тексермейді. АВТОВАЗ рөлді бұғаттау модулінің бағдарламасын тексеріп, қажет болса жаңасына ауыстырады. Бұл 2022–2025 жылдары шыққан барық «Вестаға» қатысты.
Апат кезінде қауіпсіздік жастығы іске қосылмаған, оның үстіне «ЭРА-ГЛОНАСС» апат жөнінде жедел қызметтерге хабар бермеген. «Известия» газеті соңғы деректі «ГЛОНАСС» АҚ жоққа шығарды деп жазды.
Оқиғаға «АВТОВАЗ» да пікір білдірді. Компания әу баста өздеріне ешқандай шағым түспегенін, бірақ оқиғаны тексеруге мүдделі екенін айтты. Сондай-ақ баспасөз қызметі жұрттан асығыс әрі негізсіз тұжырым жасап, жөнсіз айыптамауды сұрады.
Бірақ кейін компания өкілдері апатты тексеріп жатқан жол полициясымен байланыстамыз, бірақ көлік иелеріне хабарласа алмай отырмыз деп мәлімдеді.
Ал автомобиль иесінің отбасы «АВТОВАЗ»-ды сотқа беруге ниетті.
Комментариев: 0