Шілдеде Қазақстандағы автосалондар 20 мыңнан аса жаңа автомобиль сатқан, тамыздағы көрсеткіш одан сәл төмен: 17 977 жеңіл машина және жеңіл коммерциялық техника. Бірақ бұл былтыр тамыздағы саудадан 0.9 % көп.
Қазақстанның автокөлік одағы (ҚАО) қаңтар мен тамыз арасында ресми дилерлер 143 011 машина саудалағанын хабарлады. Бұл 2024 жылғы сәйкес кезеңмен салыстырғанда 20 % жоғары көрсеткіш.
Тамызда ең көп өткен маркалар тізімінде Hyundai қайта көш бастады, бренд дилерлері 3595 автомобиль сатты. Бірақ бұл былтырғы нәтижеден 17.6 % төмен. Ал екінші орындағы
2025 жылғы тамыз қорытындысы бойынша жаңа автомобиль нарығындағы үздік 10 марка
| Орын | Марка | 2025 жылғы тамыздағы сауда |
| 1 | Hyundai | 3595 |
| 2 | Chevrolet | 2611 |
| 3 | Kia | 2100 |
| 4 | Changan | 1092 |
| 5 | Toyota | 1038 |
| 6 | Jetour | 928 |
| 7 | Geely | 900 |
| 8 | Haval | 855 |
| 9 | Chery | 840 |
| 10 | JAC | 815 |
Ең қызығы, үздік бестікке әдеттегідей Jetour мен Chery емес, Changan (1092) мен Toyota (1038) кірді. Jetour (928) алтыншы орынға жайғасты. Ал Chery (840) оныншы сатыға сырғыды, марка саудасы былтырмен салыстырғанда 31.7 % бәсеңдеген.
Тамызда танымал модельдердің алғашқы үштігінде өзгеріс болған жоқ: Chevrolet Cobalt (2050), Hyundai Tucson (1243) және Kia Sportage (1009). Төртінші сатыға Changan Alswin (644) орналасты.
Сегіз ай қорытындысы бойынша Қазақстанда ең көп өткен марка — Hyundai. Брендтің 31 526 көлігі иесін тапты. Одан кейін Chevrolet (19 965) мен Kia (15 589) жайғасқан. Кейінгі орындарды Қытай маркалары иеленді, ең танымалы — Jetour. Ал үздік ондықты Toyota түйіндеп тұр.
2025 жылғы сегіз ай қорытындысы бойынша жаңа автомобиль нарығындағы үздік 10 марка
| Орын | Марка | 2025 жылғы сегіз айдағы сауда |
| 1 | Hyundai | 31 526 |
| 2 | Chevrolet | 19 965 |
| 3 | Kia | 15 589 |
| 4 | Jetour | 9491 |
| 5 | Chery | 9293 |
| 6 | Haval | 7685 |
| 7 | Changan | 7001 |
| 8 | Geely | 6672 |
| 9 | JAC | 6653 |
| 10 | Toyota | 6540 |
Комментариев: 0