Шілдеде 20 мыңнан астам жаңа көлік өтті

Қазақстанның жаңа автомобильдер нарығы күш алып келеді. Шілде қорытындысы бойынша салондар 20 615 жеңіл және коммерциялық техника сатқан. Қазақстан автокөлік одағы (ҚАО) мәліметінше бұл айдағы көрсеткіш былтырғы осы кезеңмен салыстырғанда 10.6 %, маусымға қарағанда 3.9 % жоғары.

Жеті айда сауда жақсы қызғаны байқалады. Қаңтардан бері дилерлер 125 034 машинаның кілтін тапсырыпты, яғни 2024 жылғыдан 23.4 % көп автомобиль жөнелткен.

Шілдеде маркалар көшін 4048 моделі өткен Chevrolet бастады. Былтырға қарағанда оның саудасы 70.4 % артты, ал Hyundai тек 3 713 автомобиль сата алды (-14.4 %). Үшінші жүлде әдеттегідей Kia-ға бұйырды (2170; +11.9%). Бестікке Jetour (1321) мен Chery (1138) кірді.

2025 жылғы шілде қорытындысы бойынша жаңа автомобиль нарығындағы үздік 10 марка

Шілдеде сұраныс жоғары болған 10 бренд рейтингіне енген маркалардың төртеуі ғана былтырғы жетістігінен аса алмады. Олар: жоғарыда аталған Hyundai (-14.4 %) мен Chery (-17 %), JAC (-5.4 %) және Geely (-28.5 %).

Модельдерді сөз еткенде Chevrolet қай өнімі арқасында жеңімпаз атанғанын түсінеміз, себебі бір айда 3417 «кобальт» сатылған. Екінші және үшінші сатыға Hyundai Tucson (1211) және Kia Sportage (955) жайғасты. Одан кейін Hyundai Elantra (695), Mufasa (666) тұр.

1 / 10

• 
• 
• 
• 
• 
• 
• 
• 
• 
• 

1 / 10

Жеңіс тұғырынан тыс қалған брендтер сапында бірнешеуі орын ауыстырғанын айта кеткен жөн. Мәселен, Jetour мен Chery. Суббренд (8563) бас компаниядан озып, төртінші қатардан көрінсе, 8453 машинасы иесін тапқан Chery бір саты төмен орналасты. Geely-дің саудасы қызғанмен (+45.9 %), JAC пен Changan-ға жол беріп, бірден тоғызыншы жолаққа сырғыды.

2025 жылғы жеті ай қорытындысы бойынша жаңа автомобиль нарығындағы үздік 10 марка