Қытайдағы ең тартымды электрокар мен гибрид анықталды

J.D.Power сарапшылары Қытай халқы өздері мініп жүрген электрокар мен гибридке көңілі толатынын анықтады. Бірқатар сегменттегі ең тартымды модель белгілі болды, олардың үшеуі ғана Қытай өнімі емес.

Рейтинг машина сатып алғанына 2–6 ай болған автомобилистер арасындағы сауалнамаға негізделген. Олар 11 категория бойынша 45 критерий негізінде машинасының сапасына баға берді. Зерттеуге 122 түрлі электрокар мен гибрид модель мініп жүрген 21.1 мың респондент қатысты.

Бағалау нәтижесі балл арқылы есептелді. Орташа көрсеткіш 806 балл (жалпы 1000 ұпай) болды, бұл 2021 жылдан бергі ең жоғары нәтиже.

1 / 8

• 
• 
• 
• 
• 
• 
• 
• 

1 / 8

Шағын электрокарлар арасында — BYD Seagull, Yuan Plus және Aion RT, ал гибрид кроссоверлер арасында Aito M9, Tank 400, Li Auto L7, Deepal S07 және Changan Uni-Z тұрғындардың көңілінен шыққан. Батареялы Luxeed R7, Xiaomi SU7 және Nio EC6 да жақсы баға алды.

Формалды түрде аспан асты еліне қатысы жоқ модельдер арасында жүргізушілер Tesla Model 3, Buick GL8 және Lynk&Co 07-ні жоғары бағалады.

BYD Yuan Plus пен Xiaomi SU7 өз категориясында ең жоғары ұпай (825) жинады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

BYD Yuan Plus (825 балл)

Xiaomi SU7 (825 балл)

Tesla Model 3 (821 балл)

Aito M9 (820 балл)

Changan Uni-Z (820 балл)

Luxeed R7 (820 балл)

Li Auto L7 (819 балл)

Aion RT (818 балл)

Nio EC6 (818 балл)

Deepal S07 (815 балл)

Lynk&Co 07 (814 балл)

Tank 400 (813 балл)

Buick GL8 (809 балл)

BYD Seagull (808 балл)

1 / 14

Зерттеу соңында сарапшылар нарықта бұл сегмент қалай өзгеріп жатқанына тоқталды. Алғаш электрлі көлік сатып алған Қытай тұрғындарының 60 % азайған. Бұл жұрт мұндай машинаны қызығушылықтан емес, бұрынғы тәжірибесіне сүйеніп таңдайтынын білдіреді. Сондай-ақ сарапшылар техника тізгіндейтін әйелдердің үлесі артқанын атап өтті.

Электрокар мен гибридтердің жақсы баға алуына технологияның жетілуі оң әсер етті. Мысалы, қазір көп адам машинаның жүріс қорына алаңдамайды. Өйткені батареялар жақсарып, қуаттау инфрақұрылымы дамыды. Гибрид пен «таза» электрокарға берілетін баға арасындағы алшақтық азайып келеді. Дегенмен қуаттау мүмкіндігі мен медиажүйе интерфейсіне сын айтатындар бар.