SAIС Motor концерні 100 млн автомобиль шығарды

Аспан асты еліндегі SAIC Motor концерні клиентке IM LS9 Hyper кроссоверінің кілтін тапсырдық деп есеп берді. Бұл флагманның жөні бөлек, себебі компания өз отанында алғашқы болып жүз миллионыншы өнімін сатты.

1 / 5

• 
• 
• 
• 
• 

IM LS9 Hyper

IM LS9 Hyper

IM LS9 Hyper

IM LS9 Hyper

IM LS9 Hyper

1 / 5

SAIC Motor-дың тарихы сонау 1955 жылы бастау алған, сол кезде Shanghai Internal Combustion Engine Parts Manufacturing Company-дің негізі қаланды. Атауы айтып тұрғандай, кәсіпорын әу баста тек қозғалтқыш жасады. Бірақ 1958 жылы автомобиль өндірісіне ден қойып, халыққа Fenghuang седанын ұсынды. 1980 жылдары фирма Volkswagen-мен бірігіп Santana моделін әзірледі, төрт есікті көлік Қазақстанда да танымал.

1990 жылдардың аяғында GM-мен әріптестік байланыс орнатса, 2000 жылдардың басында MG Rover-дің иесі атанды, ал 2007 жылы MG маркалы машиналарын құрастыра бастады. Қазір оның 5, ZS, HS және RX9 деген төрт моделі бар. HS пен RX9 Ресейде «Москвич» логотипімен саудаланып жатыр.

Қазақстан аумағындағы автосалондарда тұрған MG модельдерінің фотосуретін Kolesa.kz-тегі «Жаңа көліктер» бөлімінен қараңыз. Олардың сипаттамасы, комплектациясы және бағасы сонда жазылған. Бүкіл елдегі автомобильдер бір бөлімге жиналған.

AutoHome дерегінше 2026 жылғы алғашқы төрт айдың қорытындысы бойынша концерн Қытайда 1.302 млн техника өткізіп, жергілікті автоөндірушілер арасында сөзсіз көшбасшы болды.