Германияның DAT бағалау компаниясы Қытай электромобильдері мен гибридтері нарықтағы орташа көрсеткіштен екі есе жылдам құнсызданып жатқанын анықтады. Оның үстіне процесс уақыт өткен сайын күшейіп келеді.
Бұл жағдай нарықтағы барлық қатысушыға проблема туғызып отыр. Қытай электромобилін сатқан кезде иесі тым аз қаражат алады, кепіл бойынша кері сатып алу жүйесі дилерлерге тек шығын әкеледі, лизинг компанияларының жағдайы да осыған ұқсас.
DAT өкілі Мартин Вайс Autonews Europe басылымына берген сұхбатында Қытай көліктеріне қатысты күмәннің басты себебін түсіндіріп, сапалы өнім шығару жеткіліксіз екенін айтты. Сарапшының пікірінше Қытай өндірушілері жүрген көліктер нарығындағы сұранысты сақтап қалғысы келсе, өз өніміне сатқан соң да ұзақ уақыт қызмет көрсетуі қажет.
Мұнда бір парадокс бар, электромобильдің тез құнсыздануына өз прогресі де әсер етіп отыр. Жыл сайын үздік жаңа модельдер жарық көреді, салдарынан бірнеше жыл бұрын ғана шыққан машина ескі көрініп қалады.
Комментариев: 0