Қытай жастары болашақта электромобиль алуға дайын

АҚШ-та электрокарға сұраныс азайып жатса, Қытайда батареямен жүретін көлікке қызығатындар көп.

Bloomberg Intelligence Қытай тұрғындары арасында зерттеу жүргізіп, клиенттердің 47 %-ы алғашқы авто ретінде электромобиль таңдайды деп жазды. Былтыр ақпанда бұл көрсеткіш 25 % еді.

Бұрыннан көлік мініп жүргендердің де ойы бір жерден шықты. Биыл қарашада сауалнамаға қатысқандардың 52 %-ы электрокар алуға ниетті болса, былтыр қыс аяғында бұл көрсеткіш 34 % болған. Қатысушылардың 8 %-ы жүріс қоры көп машинаны қарастыратынын атап өтті.

Бейжіңнің жаңа энергия көзін тұтынатын автомобильді жарнамалауға бағытталған ішкі саясаты және техникалық даму мен баға күресінен туындаған төмен баға бұл сегментке теріс әсер етті.

Клиенттердің қосылатын гибридке қатысты пікірі әртүрлі. Еуропа мен АҚШ-та олардың саудасы артса, қытайлар таза электромобильге қызығады. Қазір тек 12 %-ы plug-in гибрид сатып алғысы келсе, ақпанда бұл көрсеткіш 23 % болған. Іштен жанатын қозғалтқышпен жүретін гибридтің танымалдығы бір жылда 23-тен 12 %-ға төмендеген.

Қытайда дәстүрлі қозғалтқышы бар классикалық техниканы (электромоторсыз) құп көретіндер басым. Сауалнамаға қатысқандардың 19 %-ы келесі жолы сұйық отынмен жүретін техника алатынын айтты.

Сауалнамаға небәрі 1000 адам қатысыпты, сондықтан оған сүйене отырып қорытынды жасауға болмайды.