Әлемде электромобильдің танымалдығы артса, АҚШ-та төмендеп жатыр

Rho Motion консалтинг компаниясы биыл қаңтар мен қазан аралығындағы электромобиль мен қосылатын гибрид саудасын есептеді. Он ай ішінде 16.5 млн көлік иесін тапқан, бұл былтырғы осы кезеңмен салыстырғанда 23 % көп.

Cөзсіз көшбасшы — Қытай (10.3 млн, +22 %), одан кейін Еуропа (3.4 млн, +32 %), Солтүстік Америка (1.6 млн, +4 %) және қалған елдер (1.3 млн, +48 %) тұр.

Сауда қарқынына қарап әлемдегі екінші ірі автонарықта электрлі күштік құрылымы бар автомобильге қызығатындар азайды десе болады. Бұған АҚШ билігінің электрокарға берілетін салық жеңілдігін алып тастауы және іштен жанатын қозғалтқышы бар көлікке экологиялық талапты жұмсартуы себеп болуы мүмкін. Канада билігі де халықты электромобиль алуға ынталандырып жатқан жоқ.

Популярность электромобилей в мире растёт, а в США – падает — Ford F-150 Lightning

Ford-тың Mach-E, F-150 Lightning және E-Transit сияқты модельдерінің саудасы қазанда 60 % құлдыраса, Hyundai мен Kia-ның (Ioniq, EV6 және EV9) көрсеткіші — 77 %. Honda Prologue клиенттерінің 83 %-ын жоғалтты, Subaru Solterra-ға сұраныс 97 % кеміді. Қазанда автосалондар 100 370 электромобиль мен гибридтің кілтін табыстады.

Еуропада Германия, Италия және Ұлыбританияда өсім байқалды. Қазанда 372 786 электромобиль мен гибрид өткен, 2024 жылға қарағанда нәтиже 36 % жоғары.