Көлемі аз бензинді қозғалтқышты тартқыш батареяны қуаттау үшін генератор ретінде пайдаланатын машиналар EREV (Electric Range Extended Vehicle) деп аталады. Олар қуаттаусыз және жанармай құймай бір жарым—екі мың шақырым еңсере алады. Классикалық электрокарға қарағанда EREV-ге техникалық қызмет көрсету қиын, дегенмен олар қосылатын гибридтен қарапайым әрі арзан. Сондықтан Қытайда танымал.
Еуропа plug-in технологиясы дамығандықтан мұндай технологиядан бас тартқан, енді EREV-ге қызығып отыр. Carscoops мәліметінше BMW концерні 7-сериялы седан мен X5 кроссоверінің ұзаққа шабатын модификациясын шығармақшы. Автомобильдер үлкен, оларға шағын генератор орнатуға болады, бұл жайлылық пен жүксалғыш көлеміне әсер етпейді.
Мұхиттың арғы жағында Jeep 2026 жылы шығатын Grand Wagoneer-ге жүріс қорын арттыратын жүйе қоятынын растады. Ram 1500 пикабының EREV нұсқасын әзірлеп жатыр, ал Hyundai оны Santa Fe-ге орнатады. Scout компаниясының статистикасы осындай машиналарға сұраныс бар екенін көрсетеді. Terra және Traveler модельдеріне алдын ала тапсырыс бергендердің шамамен 80 %-ы жүріс қоры көп модификацияны таңдаған, клиенттердің 20 %-ы аккумулятормен ғана жабдықталған көлікке қызығыпты.
Комментариев: 0