Қытай автоөндірушілері электромобильді технологиямен жабдықтау және ыңғайлы функциялар ұсыну жағынан жарысқа түсіп жатқаны жасырын емес. Бірақ барлық идея уақыт сынынан өте бермейді, кейінгі кезде жаңа шешімді бағалау процесіне заң органдары араласа бастады.
Олар бұған дейін жасырын есік тұтқасы мен рөлдің орнына штурвал қолдануға тыйым салып, кейбір функция үшін физикалық батырманы міндетті етуді ұсынған. Reuters хабарлағандай, шенділер енді жартылай жатуға мүмкіндік беретін оттоманкасы бар креслоға шүйлігіп отыр.
Мұндай орындық қауіпті. Мысалы, жол апаты болған кезде жолаушы қауіпсіздік белдігінен сырғып шығып кетуі ықтимал. Отырған жолаушыны заманауи қауіпсіздік жастығы да қорғай алмайды екен.
Заң шығарушы органның бұл уәжіне орай Қытай билігі мұндай креслоға толық тыйым сала ма, әлде оларды көлік жүріп келе жатқанда пайдалану мүмкіндігін шектей ме, белгісіз. Құжатты 25 шілдеге дейін қоғам талқылайды.
Комментариев: 0