Denza Z суперкарын таныстырды

Denza бір жыл бұрын Шанхай көрмесінде Z суперкарының прототипін көрсеткен, енді сол модель сериялық өндіріске дайын. Бұл бүгін Қытай астанасында ашылған көрмеде белгілі болды, онда модельдің теңіз толқыны түстес төбесі ашық нұсқасы дебют жасады.

1 / 8

• 
• 
• 
• 
• 
• 
• 
• 

1 / 8

Denza Z дизайнын Audi-дің бұрынғы шеф-дизайнері Вольфганг Эггер жасаған. Жаңа өнім жоғары деңгейдегі неміс және ағылшын модельдерімен, соның ішінде Porsche өнімдерімен бәсекеге түспек. Демек бағасы жоғары болады, бейресми дерек бойынша 100 мың еуродан асады.

Denza Z моделінің Еуропадағы тұсаукесері шілдеде Ұлыбританиядағы Гудвуд фестивалінде өтеді. Автомобиль өз елінен бұрын Еуропада саудаға шығады.

Үш моторлы күштік құрылымының (бір қозғалтқыш алдында, екеуі артында орналасқан) жалпы қуаты 1000 ат күшінен асады, машина небәрі 2 секундта жүзге дейін жылдамдық алады. Басқару толықтай сым арқылы жүзеге асады, өйткені рөл және тежеуішпен механикалық байланыс жоқ. BYD-дің тағы бір өнімі Yangwang U7 седаны сияқты, жаңа машина да DiSus-Z бейімді шассиімен жабдықталған.

Презентация барысында компания өкілдері Denza Z моделінің жалпы жолға арналған жабық және ашық түрлерінен бөлек, трек нұсқасы шығатынын айтты.