Электрлі Lexus TZ ел алдына шықты

Негізінен Солтүстік Америка нарығына арналған Toyota Highlander-ден айырмашылығы — Lexus TZ әлемдік модель ретінде жасалған. Бірақ оны да компанияның Кентукки штатындағы зауыты құрастырады.

Lexus TZ-тің шанақ панелі ерекше, сондықтан дөңгелек базасы Highlander-мен бірдей (3050 мм) болғанымен, басқа өлшемдері (5100×1990×1705 мм) сәл өзгеше. Артқы дөңгелекте бұрылу механизмі бар, соның арқасында бұрылу радиусы 5.4 метрге дейін қысқарған. 255/45 R22 немесе 255/55 R20 өлшемді шина орнату қажет.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Классикалық радиатор торының орнын тұтас панель басқан, бірақ әдеттегідей ұршық тәрізді пішінін сақтап, шанақпен тұтасып орналасқан. Жарықдиодты шамның дизайны C тәрізді басты блокпен, L тәрізді күндізгі жүріс шамымен үйлесіп тұр. Артқы шамы шанақты бойлай созылған бүтін жарық жолағымен біріккен, дәстүрлі логотиптің орнында «Lexus» жазуы тұр.

Екі моторлы электрлі күштік құрылымы 408 ат күшін береді, машина толық жетекті. Салмағы 2630 келі автомобиль алғашқы жүздікті 5.4 секундта еңсереді. Клиент сыйымдылығы 77 кВт·сағ және 96 кВт·сағ болатын екі литий-ионды батареяның бірін таңдайды, олар 10-нан 80 %-ға дейін жарты сағатта қуат алады. Жүріс қоры — 480–640 шақырым (өлшеу циклі мен конфигурациясына байланысты). Машинада беріліс ауыстыру имитациясынан бөлек, Lexus LFA суперкарындағы V10 моторының дыбысын шығаратын опция бар. Бұл жүргізушіге әсерлі эмоция сыйлайды.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Lexus TZ-ті «Driving Lounge» (мобильді қонақ бөлме) ретінде ұсынып отыр. Өте тыныш салоны алты адамның жайлы сапарына арналған. Алдыңғы екі қатардағы креслолар желдету жүйесімен жабдықталған, сондай-ақ жолаушылар орындығанда жиналатын аяқ тіреуіш бар. Салон сығылған бамбук пен өсімдік негізіндегі жасанды күдері сияқты экологиялық материалдармен әрленген. Машина 14 дюймдік экраны бар жаңа буынды мультимедиа, 21 динамикті Mark Levinson акустика жүйесі және үлкен панорамалы шатырмен ерекшеленеді. Фирмалық Lexus Safety System+ 4.0 қауіпсіздік кешені үздік көмекшілер жинағымен толыққан.

Модельдің ресми бағасы жыл аяғына қарай анықталады. Қазірше базалық нұсқасы 60–70 мың доллар тұрады деген болжам бар, ал сыйымдылығы үлкен батарея мен көптеген опция алған үздік түрленімінің құны 80 мың доллардан асуы мүмкін.