Биыл маусымда сұйық отын құны билік кеңінен қолданылатын жанармай маркаларының бағасын реттеуден бас тартқан қаңтардағы көрсеткіштен едәуір жоғары болды.
Мысалы, АИ-92-нің құны бірнеше рет өзгеріп, 1–2 теңгеге қымбаттап отырды. Қазір Алматыдағы ірі жанармай бекеттерінде литрі 215–217 теңге тұрады (мамырдың аяғында 209–212 теңге болған). Көптеген бекетте АИ-92 маркалы бензин 215 теңгеден саудаланып жатыр. Qazaq Oil желісінде ғана 217-ге алуға болады.
Дизель маусымда аса қымбаттамады. Қазір құны 312–315 теңге болса, мамырда 309–311 теңгеге жетті. Qazaq Oil-да баға басқаларға қарағанда жоғары.
Алматыда АИ-95 бірнеше ай қатарынан 271–275 теңге аралығындағы бағаны тұрақты ұстап тұр.
Республикалық маңызы бар өзге қалаларда да өсім байқалды. Астанада АИ-92 қазір 214–217 теңге тұрады (бір ай бұрын 209–213 теңге болған), дизельдің құны 2–7 теңге өсіп, 311–314 теңгеге жеткен.
Шымкентте АИ-92-нің литрі 201–204 теңге шамасында. Sinooil желісінде бұл сұйық отынның құны небәрі 1 теңге, Helios-та 3 теңге өскен. Дизельдікі — 305–307 теңге, яғни мамырдағыдан біршама жоғары.
Комментариев: 0