Ресей бізден бензин ала ма?

Ресей билігі АИ-92 бензинін Қазақстаннан алу жөнінде келіссөз жүргізіп жатыр. Reuters дереккөзіне сүйене отырып, осындай ақпарат таратты. Мұнда сөз 50 мың тонна жанармай туралы болып отыр. Бірақ Энергетика министрлігі ресейлік әріптестер ресми түрде сұратым жіберген жоқ деп мәлімдеді.

Жергілікті басылымдардың дерегі мен әлеуметтік желідегі жазбаларды ескерсек, көршімізге АИ-92 жетпей жатқан сияқты. Билік те мұны растапты. Кей өңірде отын құны шарықтап кетсе, 20 аймақта оны сату процесі шектелген. Мәселен, Мәскеу, Саратов, Омбы, Воронеж, Белгород, Пензенский облыстарында, ХМАО, ЯНАО, Адыгея Республикасында түрлі лимит күшіне енді.

РФ-да отын ұрлайтындар да көбейген. Олардың есіргені соншалық, бензин багын тесіп кетеді екен. Тіпті Google мен Yandex-те «бензинді қалай құйып алуға болады» деп сұрайтындардың саны артыпты.

Бұрын біз Ресейден мұнай таситынбыз. Яғни, Қазақстан орыс бензинінің арқасында тапшылық көрмеді. Индикативті талдау шеңберінде былтыр импорттаушылар 285 мың тонна бензин мен 450 мың тонна дизель жеткізуге тиіс болған. Өзбекстанда да осыған ұқсас жағдай тіркелді. Олар жоғары сапалы жанармайдың басым бөлігін орыстардан алатын, қазір Ташкенттегі жүргізушілер ресейлік 95 пен 98-ді табу қиындағанын байқапты.