Lexus Қазақстанға RZ электромобилін әкеледі

Жақында Lexus-тің Қазақстандағы топтамасына RZ электрокроссовері қосылады. Компания оны алғаш рет 2021 жылы LF-Z Electrified концептісі ретінде ұсынды, сериялық нұсқасы 2022 жылдың көктемінде жарық көрді. Ресми анонс әзірге өтпеді, бірақ модель құжаттары арнайы реестрде пайда болды.

Құжатта Lexus алдыңғы (RZ350e) және толық жетекті (RZ500e) түрленімдерін ұсынады деп жазылған.

1 / 7

Lexus привезёт в Казахстан электромобиль RZ

Lexus RZ500e

1 / 7

RZ350e алдыңғы осьтегі 224 ат күшіне ие бір электрлі агрегатпен жабдықталған. Ол 77 кВт·сағ аккумулятордан қуат алады және WLTP циклі бойынша 568 шақырым еңсереді. Екі моторлы RZ500e-дің қуаты 381 ат күшіне тең. Бұл нұсқа да 77 кВт·сағ батарея алады, жүріс қоры WLTP стандарты бойынша 458 шақырымға жетеді.

1 / 8

Lexus RZ500e

1 / 8

Lexus RZ — ұзындығы 4.8 метр, дөңгелек базасы 2.85 метр болатын кроссовер. Жүксалғыш көлемі — 522 литр, ал артқы орындықтарды бүктегенде 1451 литрге дейін ұлғаяды. Салонында 7 дюймдік цифрлық аспаптар панелі мен 14 дюймдік ортаңғы сенсорлық дисплей тұр. Алдыңғы әйнекке түсетін проекция опция ретінде жүреді. Комплектацияға қарай аудиожүйе 10 немесе 13 динамикпен жабдықталады. Сондай-ақ орындықтарды жылытқыш және желдеткіш, рөл жылытқыш, сымсыз қуаттағыш, жүргізуші ассистенттерінің жинағы және басқа функциялар бар.