Жаңа Lexus ES қандай болады

Lexus Шанхай автосалонында сегізінші буындағы ES-тің прототипін көрсетті. Жаңа өнім марканың 2023 жылғы LF-ZC концептісінде көзге түскен жаңа дизайн стиліне сай жасалған. Сериялы өндіріске шыққалы отырған седанның сырт пішінінде футуристік шоукарға ұқсайтын аздаған ерекшелік бар.

1 / 5

Lexus LF-ZC

1 / 5

Машина интерьерінде де біраз ұқсастық байқалды. Атап айтқанда, үш дисплейі бар алдыңғы панель назар аудартады, онда шағын цифрлы аспаптар панелі мен бір жұп медиажүйе экраны орналасқан. Салонда физикалық батырма жоқ, олардың орнын жасырын сенсорлар басқан.

1 / 5

Новый Lexus ES. Теперь это и электромобиль тоже

Lexus ES 350e

1 / 5

Жаңа Lexus ES GA-K платформасына негізделген. Машинаның ұзындығы — 5140 мм, ені — 1920 мм, биіктігі — 1555 немесе 1560 мм, дөңгелек базасы — 2950 мм. Яғни сегізінші ES алдыңғы буыннан біршама үлкен болады.

1 / 5

Автомобильдің гибрид және толық электрлі нұсқасы шығады. Гибридтің 2 литрлік атмосфералы моторға негізделген ES 300h және 2.5 литрлік мотормен жүретін ES 350h түрленімі болады. Екі жағдайда да дәстүрлі қозғалтқыш электрленген беріліс қорабымен жұптаса жұмыс істейді, сондай-ақ толық жетекті жүйе үшін артқы осьте электромотор тұрады. Күштік құрылым қуаты — 197–247 ат күші.

Батареялы ES ES 350e және ES 500e индексін алады. Қарапайым көлік алдыңғы осьтегі 224 ат күшіне ие бір электромотор көмегімен қозғалады, мұндай машина 8.9 секундта жүзге дейін жылдамдық алады, жүріс қоры — 685 км. ES500e жалпы 343 ат күшін беретін екі электромотормен жабдықталған, алғашқы жүздікті 5.9 секундта еңсереді, жүріс қоры — 610 шақырым. Компания батарея сыйымдылығын жариялаған жоқ.

1 / 4

Lexus ES для рынка США

1 / 4

Lexus ES-тің сегізінші буынын 2026 жылдың ортасында сата бастайды, модель жайлы толық ақпарат сол кезде белгілі болады. ES Қазақстанға да келеді. Біздің елде жетінші буындағы модельдің ES 250 нұсқасы — 30.6 млн, ES 350 түрленімі 42.5 млн теңге тұрады.

Комментариев: 0