Leapmotor B05 Испанияда жасалады

Қытай автобизнесі Испанияға жол тартады деген сыбыс шындыққа айналды. Сарагоса маңындағы Фигеруэлас қаласындағы Stellantis зауыты 2027 жылы Leapmotor-дың жаңа моделін шығармақшы. Қай модель конвейерге тұратыны да белгілі болды.

Конгломерат бұл келісімге не үшін қызығып отырғаны түсінікті, себебі Leapmotor-дың 20% акциясы және көлік экспорттауға арналған Leapmotor International бірлескен кәсіпорнының 51% бақылау пакеті Stellantis-ке тиесілі.

Leapmotor Өзбекстанға кроссоверлер мен седан ұсынады, ал Еуропа нарығын 4.43 метрлік Leapmotor B05 хетчбэгімен бағындырады. Компания бұл модельді Қытайдан экспорттап жатыр, сол себепті субсидия алмайды.

1 / 5

• 
• 
• 
• 
• 

1 / 5

Былтыр жарық көрген Leapmotor B05-ті (Қытайда Lafa 5 деп аталады) Қытайдағы инженерлер мен Stellantis мамандары бірлесіп жасады. Базалық нұсқасы артқы осьтегі 215 ат күшіне ие (240 Нм) мотормен жүреді. Спорттық B05 Ultra-ға бренд 241 ат күшін (255 Нм) беретін агрегат қойған. Мамандар оған төмен аспа, мықты тежеуіш, сұсты бастырық және ілінісі жақсы шина орнатты.

1 / 8

• 
• 
• 
• 
• 
• 
• 
• 

1 / 8

Еуропадағы клиенттер екі түрлі литий-темір-фосфат аккумуляторының бірін таңдай алады. Сыйымдылығы 56.2 кВт·сағ Pro батареясы WLTP циклі бойынша 401 шақырым еңсеруге, Pro Max (67.1 кВт·сағ) 482 км жүріп өтуге мүмкіндік береді. 174 киловаттық жылдам қуаттағышпен батареяны 30-дан 80 %-ға дейін 17 минутта толтыруға болады.

Қарапайым Leapmotor B05-тің жабдықтар тізіміне 8.8 дюймдік аспаптар панелі, 14.6 дюймдік мультимедиа экраны, жасанды интеллектіге негізделген дауысты көмекші, екі аймақты климат-бақылау, айнала шолу камерасы, панорамалы шатыр және жүргізуші ассистенттерінің стандарт жинағы (ADAS) кіреді.

Үздік Design комплектациясында 19 дюймдік дөңгелектер, рөл жылытқыш, экобылғарымен қапталған орындықтарды жылыту мен желдету функциясы, 256 түсті интерьер жарығы және толық ADAS пакеті бар.

Carscoops қазір 26 900–30 900 еуро тұратын Leapmotor B05 базалық Renault Megane E-Tech-тен 11 450 еуро, Peugeot E-308-ден 13 080 еуро арзан деп жазды. Электромобильге арналған мемлекеттік бағдарламаның арқасында баға 19 500 еуроға дейін түсуі мүмкін.