Өткен аптада Ташкентте Өзбекстанның Инвестиция, өнеркәсіп және сауда министрлігінің өкілдері мен Leapmotor басшылары кездесті деп хабарлады Autoelon.uz. Келіссөз қорытындысы бойынша тараптар елде электромобиль шығарады.
UzDaily.uz мәліметінше жоба аясында компания батареямен жұмыс істейтін A10, B10, B10L, C16 кроссоверлерін, орта өлшемді C01 седанын құрастырады, кейін бөлшектер жасайды.
Жаңа өндіріс орны Бұхара облысында ашылады. Бренд биыл мұнда 20 мың машина шығармақшы, 2027 жылы көрсеткішті екі есе арттырып, 2030 жылға қарай 150 мыңға жеткізуді жоспарлап отыр. Бірлескен кәсіпорын өнімін Өзбекстанда және көршілес елдерде саудалайды.
Қазір Өзбекстанда BYD электромобильдері мен қосылатын гибридтері жасалады. Жылына 50 мың автомобиль шығаратын зауыт Жизақ облысында орналасқан.
Leapmotor (Zhejiang Leapmotor Technology Co., Ltd.) — электромобиль шығаратын компания. Оны 2015 жылы бейнебақылау жүйесін әзірлейтін әйгілі Dahua
Technology-дің негізін қалаушылардың бірі Чжу Цзяньмин мен Қытайдағы кәсіпкерлер және инвесторлар құрған.
Комментариев: 0