Гибрид күштік құрылым құрамындағы іштен жанатын қозғалтқыш пен электромотордың қуатын теңестірген Формула-1 регламентіндегі өзгеріске биыл жарысқа қосылатын Cadillac пен Audi сияқты танымал өндірушілер ғана емес, электрлі көлік шығару саласындағы жетістіктерімен мақтанатын BYD де қызығып отыр.
BYD-дің атқарушы вице-президенті Стелла Ли компания Формула-1 басшыларымен келіссөз жүргізіп жатыр деген ақпаратты ресми түрде растады. Ол жақында Стефано Доменикалимен Шанхайда кездесті деп жазды CarNewsChina.
Стелла Ли серияға кірудің бірнеше нұсқасын қарастырып жатырмыз деді. Мысалы: зауыттық команда ретінде тікелей қатысу, басқа командаға гибрид күштік құрылым компоненттерін жеткізу немесе командалардың біріне демеуші болу. Бірақ нақты шешім мен мерзім әзірге белгісіз.
Комментариев: 0